Բեյքերի սրտի և դիաբետի ինստիտուտի գիտնականները պարզել են, որ կարճ կամ չափից ավելի քունը և ցերեկային քունը կարող են մեծացնել հիպերտոնիայի և սրտանոթային այլ հիվանդությունների զարգացման ռիսկը: Հետազոտության արդյունքները հրապարակվել են Nature Communications ամսագրում։
Աշխատանքի ընթացքում ուսումնասիրվել են ավելի քան 350 հազար մարդու տվյալներ։ Ստացված տեղեկատվությունը այնուհետև ճշգրտվել է տարիքի, սեռի, մարմնի զանգվածի ինդեքսի (BMI) և ցիրկադային ռիթմը խանգարող գործոնների համար:
Մասնագետները եզրակացրել են, որ քնի խանգարումները կամ գիշերային հերթափոխով աշխատանքը կապված են արյան բարձր ճնշման հետ բոլոր տարիքային խմբերում՝ ինչպես տղամարդկանց, այնպես էլ կանանց դեպքում:
Առավել վտանգված են եղել այն մասնակիցները, որոնք աշխատել են գիշերային հերթափոխով ու քնել օրական 5-6 ժամից պակաս: Զգալի հարաբերակցություն կար նաև խառն աշխատանքային գրաֆիկի խմբում: Շատ քնելը նույնպես բացասաբար է ազդել ցիրկադային ռիթմի վրա։
Արյան ճնշման վրա ամենակործանարար ազդեցությունն են թողել կարճ քունն ու հերթափոխային աշխատանքը։