Խաղաղօվկիանոսյան նավատորմի (ԽՕՆ) եւ Չինաստանի ժողովրդական-ազատագրական բանակի (ՉԺԱԲ) ռազմանավերը, գործելով նավերի համատեղ ջոկատի կազմում, պաշտպանության բոլոր տեսակների կազմակերպում են մշակել Ճապոնական ծովի կենտրոնական հատվածում, հայտնում է ՌԴ պաշտպանության նախարարությունը։
Ռազմանավերի ռուս-չինական ջոկատը շարվել է մարտական կարգով եւ համատեղ մարտավարական մանեւրումներ է կատարել՝ աստիճանաբար մշակելով հակաօդային պաշտպանության, հակասուզանավային եւ ականային պաշտպանության խնդիրները։
Գործելով միասնական հսկողության ներքո՝ նավերի անձնակազմերը հետ են մղել օդային հարձակման միջոցների գրոհը, կեղծ թշնամու սուզանավերի որոնում են իրականացրել եւ հաղթահարել են ականային վտանգով տարածքը։
Համատեղ պրակտիկ գործողություններին մասնակցում է երկու երկրների ավելի քան 10 ռազմանավ։