Պորտուգալիան դեմ է հանդես եկել ռուս զբոսաշրջիկների ԵՄ մուտքի արգելքին և կարծում, որ պատժամիջոցները չպետք է ուղղված լինեն ռուս ժողովրդի դեմ. այդ մասին հայտարարել է երկրի ԱԳՆ-ը:
«Պորտուգալիան կարծում է, որ պատժամիջոցների ռեժիմի հիմնական նպատակը պետք է լինի ռուսական ռազմական մեքենային, այլ ոչ թե ռուս ժողովրդին պատժելը։ Պորտուգալիան կմասնակցի այդ հարցի քննարկմանը եվրոպական մակարդակով՝ նպաստելով ԵՄ անդամ երկրների միասնական դիրքորոշման մշակմանը», - ասվում է ԱԳՆ հաղորդագրության մեջ, փոխանցում է Eco պարբերականի կայքը:
ՌԴ նախագահի մամուլի քարտուղար Դմիտրի Պեսկովը նշել է, որ Ռուսաստանի նկատմամբ ոչ բարեկամական եվրոպական երկրները պատժամիջոցներ են սահմանում «մինչև ուշագնացության աստիճան», Կրեմլը հույս ունի, որ ժամանակի ընթացքում «խելամտությունը ինչ-որ կերպ կդրսևորվի»։