Փետրվարի 19-ին Կեմերովոյի մարզի Յայսկի շրջանային դատարանը վճիռ է կայացրել «ծայրահեղական կազմակերպության գործունեությունը կազմակերպելու» գործով (Քրեական օրենսգրքի 282.2-րդ հոդվածի 1.1 և 2-րդ մասեր) տեղի բնակչի նկատմամբ, ով արդեն դատապարտվել էր 18 տարվա ազատազրկման, գրել են ԶԼՄ-ները։

Ըստ քննիչների՝ տղամարդը, ով պատիժ է կրում երեխաների նկատմամբ բռնի սեռական ակտի հոդվածով (Քրեական օրենսգրքի 132-րդ հոդվածի 4-րդ մասի «բ» կետ) խիստ անվտանգության գաղութում, «գործողություններ է կատարել՝ Ռուսաստանի քաղաքացիներին «ԼԳԲՏ միջազգային շարժում» ծայրահեղական կազմակերպության գործունեությանը ներգրավելու համար»։

Դատարանը տղամարդուն դատապարտել է 6 տարվա ազատազրկման։ Հաշվի առնելով իր նախկին պատժաչափը՝ նա եւս 15 տարի կանցկացնի բանտում, 2 տարի՝ սահմանափակ ազատության մեջ։