Կանադայում անտառային հրդեհների պատճառով Նյու Յորքում օդի որակը հասել է վտանգավոր մակարդակի։
Քաղաքում տեսանելիությունը նվազել է, բնակիչներն ավելի ու ավելի շատ են սկսել կրել բժշկական դիմակներ։ Պաշտոնյաները կոչ են արել հանրությանը սահմանափակել բացօթյա գործունեությունը: Խնդրագրում ասվում է, որ անտառային հրդեհների ծուխը պարունակում է խիստ վտանգավոր մասնիկ, որը կոչվում է PM2.5:
Նյու Յորքի քաղաքապետարանը նախազգուշացում է տարածել օդի աղտոտվածության մասին։ Քաղաքի ուսումնական հաստատություններում չեղարկվել են բացօթյա միջոցառումները, օդանավակայաններում թռիչքները հետաձգվում են։
Ավելի վաղ հայտնել էինք, որ Կանադայում անտառային հրդեհների ծուխը պատել է Վաշինգտոնը, Նյու Յորքն ու ԱՄՆ մի քանի այլ շրջաններ:
Հիշեցնենք, որ Ալբերտայում, որտեղ միաժամանակ մոլեգնում է մոտ 80 հրդեհ, հայտարարվել է արտակարգ դրություն, տասնյակ հազարավոր բնակիչներ ստիպված են եղել լքել իրենց տները, իշխանությունները իրավիճակը բնութագրում են որպես «աննախադեպ»։