Այսօր՝ մարտի 13-ին, խոշոր ավտովթար է տեղի ունեցել Գեղարքունիքի մարզում: Ժամը՝ 17:30-ի սահմաններում Սևան-Մարտունի-Գետափ ավտոճանապարհի 24-րդ կմ հատվածում բախվել են Toyota Land Cruiser Prado, Mercedes ու Lada Granta մակնիշի ավտոմեքենաները։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 1 հոգի ծայրահեղ ծանր ախտորոշմամբ տեղափոխվել է «Գավառ» բժշկական կենտրոն:

Օպերատիվ են գործել Գավառի հիվանդանոցի բժիշկների հերթպահ խումբը, ովքեր նաև տեղում առաջին բուժօգնություն են ցուցաբերել 4 հոգու, սակայն վերջինները հրաժարվել են հիվանդանոց տեղափոխվելուց:


Վթարի փաստով Գավառի քննչական բաժնում նախաձեռնվել է վարույթ: 

Ոստիկանությունն ու քննչական բաժինը պարզում են վարորդների, հիվանդանոց տեղափոխվածի և տեղում առաջին բուժօգնություն ստացած քաղաքացիների ինքնությունը: