Ամենօրյա սառը ցնցուղը կօգնի վերականգնել երիտասարդ մաշկը։ Ասել է օստեոպաթիկ բժիշկ և հակատարիքային բժշկության մասնագետ Պունամ Դեսաին, գրել է Daily Mirror-ը։
Դեսայի խոսքով՝ երիտասարդացնող էֆեկտ ստանալու համար բավական է միայն երկու-երեք րոպե անցկացնել հոսող սառը ջրի տակ։
Բժիշկը խորհուրդ է տվել ընթացակարգը կրկնել շաբաթական մի քանի անգամ։ «Դա օգնում է նվազեցնել կնճիռներն ու մաշկը ավելի առաձգական դարձնել: Բացի այդ, սառը ցնցուղը նվազեցնում է սթրեսի մակարդակը, նվազեցնում բորբոքումն ու նույնիսկ կարող է լավացնել քունը»,- ասել է Դեսային:
Բժիշկը խորհուրդ է տվել պարբերաբար սառը ցնցուղ կամ լոգանք ընդունել, սակայն զգուշացրել է, որ պրոցեդուրան չպետք է երկար տևի։ Բացի այդ, նա խորհուրդ է տվել նախ խորհրդակցել բժշկի հետ, քանի որ ոմանց, օրինակ՝ սրտանոթային համակարգի հիվանդություններ ունեցողներին, երիտասարդացման այս մեթոդը հակացուցված է։