Ավստրալիայի Սիդնեյ քաղաքի Nobu ճապոնական ռեստորանում մի առատաձեռն մարդ վճարել է յուրաքանչյուր հաճախորդի հաշիվը և բախվել առցանց քննադատության: Այս մասին հայտնում է 7NEWS-ը։ Ավստրալական հեռուստատեսության և ռադիոհաղորդավար Սամի Լուկիսը ներկաների թվում էր, ում հաշիվը վճարել է անծանոթը: Նրան հուզել է տղամարդու արարքը և սոցցանցում շնորհակալություն հայտնել նրան։ Մատուցողը դա անվանել է «պատահական բարության արարք»։ Անհավանական առատաձեռն անծանոթը, հավանաբար, չի տեսնի սա...բայց...շնորհակալություն»,- գրել է Լուկիսը։
Չնայած այն հանգամանքին, որ արարքը կատարվել է բարի նպատակներով, շատ օգտատերեր դա սխալ են համարել։ Նրանց կարծիքով՝ թանկարժեք ռեստորանի այցելուները կարող էին իրենց թույլ տալ ինքնուրույն վճարել պատվիրված ուտեստների համար, իսկ տղամարդը պետք է գումար տա կարիքավորներին։ «Հարուստ մարդկանց նվերներ տալը հեռու է ալտրուիզմից», - ասում է օգտատերերից մեկը։ Լուկիսը համաձայնել է որոշ մեկնաբանությունների հետ և ասել, որ նվիրատվություն է կատարել բարեգործական Foodbank-ին: