Վաշինգտոնում ԱՄՆ Միջազգային զարգացման գործակալության (USAID) կենտրոնակայանը Թրամփի վարչակազմի որոշմամբ փակվել է, գրել են ԶԼՄ-ները։

Գործակալության ցուցանակը հանվել է կենտրոնակայանից, որը տեղակայված է Ռոնալդ Ռեյգանի շենքում։

Կառավարության արդյունավետության դեպարտամենտը (DOGE), որը ղեկավարում է միլիարդատեր Իլոն Մասկը, վերահսկողության տակ է վերցրել գործակալության բոլոր համակարգչային համակարգերը, որոնք պարունակում են զգայուն տեղեկատվություն:

Կոնգրեսի հետազոտական ​​ծառայության տվյալներով՝ գործակալությունը անցյալ տարի տնօրինել է մոտ 40 միլիարդ դոլարի ֆինանսավորում: ՄԶԳ-ի ավելի քան 50 բարձրաստիճան աշխատակցի տրամադրվել է վարչական արձակուրդ։ Նրանց հանդեպ կիրառվել է խափանման միջոց, ու չեն կարող առանց թույլտվության շփվել գործակալությունից դուրս որևէ մեկի հետ:

Աշխատակիցների մեծ մասը կաշխատի հեռակա կարգով, հայտնել է «The Washington Post»-ը՝ վկայակոչելով կազմակերպության աշխատակիցների ստացած նամակը։

Ավելի վաղ Իլոն Մասկը գրել էր, որ ՄԶԳ-ն ֆինանսավորել է կենսազենքի հետազոտություն, ներառյալ Covid-19-ը, որը «սպանել է միլիոնավոր մարդկանց»