Միացյալ Թագավորությունում աճուրդի է հանվել Ջոան Ռոուլինգի «Հարի Փոթերը և փիլիսոփայական քարը» գրքի առաջին օրինակը, որը 26 տարի եղել է աստիճանների տակ՝ պահարանում։ Հայտնել է Derbyshire Times-ը։
Գիրքը վաճառվել է դեկտեմբերի 11-ին Դերբիշիրի Hansons Auctioneers-ում 55,1 հազար ֆունտ ստեռլինգով: Երկար տարիներ այն պահել է շրջանի 58-ամյա մի բնակչուհի, որն այն գնել է 1997 թվականին՝ իր ընտանիքի հետ ճանապարհորդության կապակցությամբ: Խանութում մանկական գիրքը զեղչի զամբյուղում է եղել և վաճառվելիս է եղել ընդամենը 10 ֆունտ ստեռլինգով։
«Ես գիրք գնեցի Հարի Փոթերի մասին, երբ ոչ ոք իսկապես չգիտեր նրա կամ նրա հեղինակի մասին: Մենք ճանապարհորդում էինք Շոտլանդիայի լեռնաշխարհում ավտոֆուրգոնով։ Ճանապարհի վերջում մի հեռավոր թերակղզում սրճարան կար՝ գրախանութ»,- պատմել է կինը։
Նա նաև նշել է, որ իրեն հաջողվել է սակարկել գիրքը ութ ֆունտ ստեռլինգով, քանի որ այն չի ունեցել հավելյալ կազմ։