Դրամի փոխարժեքը՝ այսօր
Եղանակը՝ այսօր
Միջազգային

Մեղադրանք է առաջադրվել Փելոսիի ամուսնու վրա հարձակվողի նկատմամբ

Blog Image

Սպանության փորձի եւ այլ ծանր հանցագործությունների համար մեղադրանք է առաջադրվել ԱՄՆ Ներկայացուցիչների պալատաի խոսնակ Նենսի Փելոսիի տուն ներխուժած եւ ամուսնու գլխին հարվածած տղամարդուն:

Ոստիկանությունը դեռեւս չի բացահայտել հոկտեմբերի 28-ին 82-ամյա Փոլ Փելոսիի վրա կայացած հարձակման պատճառը, ով, ըստ նրա կնոջ գրասենյակի, շտապ վիրահատության է ենթարկվել գանգի եւ աջ ձեռքի վնասվածքի պատճառով։ Բժիշկներն ակնկալում են, որ նա լիովին կապաքինվի։

Ներկայացուցիչների պալատի խոսնակ 82-ամյա Նենսի Փելոսին հարձակման պահին եղել է Վաշինգտոնում եւ անմիջապես մեկնել է Սան Ֆրանցիսկո՝ ամուսնու մոտ: Նա Դեմոկրատական ​​կուսակցության անդամ է եւ պետության երրորդ դեմքը, որը, ըստ Սահմանադրության, կարող է ստանձնել երկրի նախագահի պարտականությունները՝ հատուկ իրավիճակներում։

Ոստիկանությունը պարզել է դեպքի վայրում ձերբակալվածի ինքնությունը՝ 42-ամյա Դեյվիդ Դեպապը։ Նա կալանավորվել է սպանության փորձի, հարձակման, բնակարանային գողության եւ մի շարք այլ հանցագործությունների կասկածով։ Սպասվում է, որ Սան Ֆրանցիսկոյի շրջանային դատախազության կողմից պաշտոնական մեղադրանք կներկայացվի:

Send