Իսրայելի բանակը հարվածներ է հասցնում Գազայի հատվածին «Լուսաբաց» գործողության շրջանակներում, հայտնել է զինվորականների մամուլի ծառայությունը:
«Ներկայում Իսրայելի պաշտպանության բանակը հարվածներ է հասցնում Գազայի հատվածում թիրախներին»,– ասված է հաղորդագրության մեջ:
Իսրայելի բանակն ուրբաթ օրը Գազայի հատվածում սկսել է «Լուսաբաց» գործողությունը պաղեստինյան «Իսլամական ջիհադ» խմբավորման դեմ: Զինվորականները հարվածներ են հասցնում անկլավին, իսրայելական թիկունքում արտակարգ դրություն է մտցվել։
Գազայի հատվածի առողջապահության նախարարության տվյալներով՝ շաբաթ երեկոյան առնվազն 15 մարդ է զոհվել, ևս 125-ը ՝ տուժել իսրայելական հարվածների հետևանքով: