Չինաստանի ԱԳՆ պաշտոնական ներկայացուցիչ Վան Վենբինն այսօր լրագրողների հետ զրույցում հայտարարել է, որ Չինաստանը Հայաստանին և Ադրբեջանին կոչ է անում խուսափել տարածաշրջանում իրավիճակի սրացումից:
«Մենք հուսով ենք, որ երկու կողմերն էլ կպահպանեն հրադադարի պայմանավորվածությունները և կխուսափեն իրավիճակի հետագա սրացումից»,- ասել է նա՝ ընդգծելով, որ թե՛ Հայաստանը, թե՛ Ադրբեջանը Պեկինի բարեկամ գործընկերներն են։
Նա հույս է հայտնել, որ Բաքուն և Երևանը հնարավորություններ կգտնեն լուծելու տարաձայնությունները քաղաքական երկխոսության շրջանակում։