Tesla-ն դիտարկում է Sigma Lithium Corp.-ի ձեռքբերման հնարավորությունը: Ընկերություն՝ որն արդյունահանում է լիթիում, որը էլեկտրական մեքենաների մարտկոցների հիմնական տարրն է: Այս մասին հայտնում է Bloomberg-ը՝ հղում անելով սեփական աղբյուրներին, փոխանցում է gazeta.ru-ն։

Լրագրողների տվյալներով՝ Իլոն Մասկի ղեկավարած ընկերությունը վերջերս քննարկել է պոտենցիալ հաճախորդի հետ միաձուլման հարցը։ Գործարքը գնահատվում է 3 միլիարդ դոլար, ասվում է, որ Sigma Lithium-ը լիթիումի արդյունահանման մի քանի տարբերակներից մեկն է, որին դիտարկում է Tesla-ն:

Bloomberg-ի աղբյուրներն ասում են, որ բանակցությունները վաղ փուլում են և կարող են ոչնչով ավարտվել: Գործարքի հիմնական ռիսկը գնի հարցն է. անցած տարվա ընթացքում Sigma Lithium-ի բաժնետոմսերը եռապատկվել են, ուստի ընկերությունը կարող է սահմանել այնպիսի գին, որը Tesla-ին դուր չի գալիս:

Եթե գործարքն իսկապես կայանա, Sigma Lithium-ը կլինի Մասկի երկրորդ բազմամիլիարդանոց գնումը վերջին շրջանում: 2022 թվականի վերջին Tesla-ի ղեկավարն ավարտել էր Twitter-ի ձեռքբերումը 44 միլիարդ դոլարով։