Ձեր ուշադրությունն ենք ներկայացնում խորհուրդներ, որոնք կօգնեն պաշտպանվել շոգից և պահպանել աշխատունակությունը:
- Հարկավոր է կրել բնական, բաց գույնի կտորներից ազատ ու «շնչող» հագուստ:
- Պատուհաններին պետք է վարագույրներ ու շերտավարագույրներ կախված լինեն, քանի որ սենյակ ներթափանցած արևի ճառագայթները կարող են բարձրացնել օդի ջերմաստիճանը 3-10 աստիճանով:
- Կարելի օգտագործել էլեկտրական հովհարիչ կամ սենյակում միջանցիկ քամի ստեղծել: Ի դեպ՝ էլեկտրական հովհարիչի կողքին մի քանի հատ սառեցրած ջրով շիշ դնելու դեպքում կարելի է ստանալ օդորակիչի էֆեկտ:
- Շոգ եղանակին հարկավոր է շատ ջուր ու կանաչ թեյ խմել և սահմանափակել սուրճը:
- Բացի այդ, նման եղանակին սնունդը պետք է թեթև լինի, իսկ սննդակարգում լինեն մեծ քանակությամբ սեզոնային մրգեր ու բանջարեղեն:
- Աշխատանքի ընթացքում հարկավոր է յուրաքանչյուր 1-1.5 ժամը մեկ դուրս գալ սենյակից և 15 րոպե պարզապես քայլել միջանցքում:
- Շոգից պաշտպանվելու հիանալի եղանակ է նաև սառը ջուրը: Հարկավոր է յուրաքանչյուր ժամը մեկ լվանալ ձեռքերը սառը ջրով ու թրջել ականջաբլթակները:
- Աշխատասեղանի վրա հարկավոր է ակվարիում կամ ջրով լի բաժակ դնել: Հեղուկը կգոլորշիանա և մի փոքր կհովացնի օդը:
- Աշխատավայրում հարկավոր է հեղուկացիր ունենալ և պարբերաբար ցողել տարածքն ու բույսերը սառը ջրով:
- Եթե հանդիպումներից խուսափել չի հաջողվում, ապա հարկավոր է դրանք պլանավորել առավոտյան ժամերին և ձեռքի տակ պահել ջրով լի շիշ ու խոնավ անձեռոցիկներ: