Հյուսիսատլանտյան դաշինքի ռազմաբազաների տեղակայումը չի պաշտպանի Ֆինլանդիային և Շվեդիային, այլ, ընդհակառակը, միայն կվտանգի տեղի բնակիչներին. այդ մասին իր թելեգրամյան ալիքում գրել է Պետդումայի խոսնակ Վյաչեսլավ Վոլոդինը։
«ՆԱՏՕ-ի բազաների տեղակայումը չի պաշտպանի ոչ Ֆինլանդիային, ոչ Շվեդիային։ Ընհակառակը։ Հարվածի տակ կդնի այն քաղաքների բնակիչներին, որտեղ տեղակայվելու են ռազմական ենթակառուցվածքները», - գրել է Վոլոդինը։
Ավելի վաղ Ֆինլանդիայի Լապենրանտայի քաղաքապետ Կիմմո Յարվուն առաջարկել է քաղաքում ՆԱՏՕ-ի բազա տեղակայել։ Վոլոդինի կարծիքով՝ քաղաքապետի վստահությունը, որ դա անվտանգության զգացում կստեղծի, սխալ է, քանի որ հակամարտության դեպքում առաջին հերթին հարվածներն ուղղված են լինում հակառակորդի ռազմական ենթակառուսվածքներին։