Գերմանիայի արտաքին գործերի նախարար Անալենա Բերբոքը նախազգուշացրել է Եվրոպայում էներգիայի պակասի պատճառով պառակտման հնարավորության մասին։
Բերբոքը նախազգուշացրել է, որ Ռուսաստանից գազի մատակարարումների հետ կապված անորոշությունն այս ձմռանը լուրջ փորձություն կլինի Եվրամիության համերաշխության համար, հայտնում է Bloomberg-ը։
Պաշտոնատար անձինք, այդ թվում՝ Գերմանիայի կանցլեր Օլաֆ Շոլցը, Ռուսաստանին մեղադրել են ԵՄ-ն պառակտելու համար էներգետիկ ռեսուրսները որպես զենք օգտագործելու մեջ, մինչդեռ Բերբոքն ընդգծել է Ռուսաստանի առաջնորդին դիմակայելու եւ միասնական ճակատ ներկայացնելու կարեւորությունը։ ԵՄ երկրները ձգտում են խուսափել լարվածությունից, որը բաժանել է անդամ երկրներին ֆինանսական ճգնաժամից հետո:
«Ամանեղենի խանութում փիղը էներգետիկ խնդիր է»,- ասել է Բերբոքը: «Մենք պետք է պատրաստ լինենք, որ բաժանման այս ասպեկտը դառնա Ռուսաստանի հիբրիդային պատերազմի առանցքն առաջիկա ամիսներին»,- հավելել է նա: ԵՄ-ի համար առանցքային հարցը կլինի այն, թե «կարո՞ղ ենք արդյոք մենք գազ մատակարարել Եվրոպայում բոլորին: Այս հարցը մեզ համար ծանր փորձություն կդառնա»։