Ինչպես MediaHub-ն արդեն տեղեկացրել է՝ ընդդիմությունը Լաչինի միջանցքի խնդրին նվիրված լսումներ է հրավիրել, որոնք ընթանում են ԱԺ-ում: Դրան մասնակցում են ընդդիմադիր պատգամավորներ, փորձգետներ, քաղաքական գործիչներ ու ՀԿ ներկայացուցիչներ:

Իսկ ահա իշխանությունից լսումներին ներկա է ու անգամ բավականին էմոցիոնալ ելույթ ունեցավ միայն մեկ ՔՊ-ական՝ Գուրգեն Արսենյանը:

Եվ ահա, ԱԺ ՔՊ-ական փոխնախագահ Ռուբեն Ռուբինյանը որոշել է անդրադառնալ լսումներին ու, ըստ էության, քննադատել ընդդիմադիրներին.... հավանաբար՝ իր կաբինետում նստած: Հարցը, թե ինչն է խանգարում Ռուբինյանին Արսենյանի նման քաղաքական խիզախություն դրսևորել ու ներկա գտնվել քննարկմանը՝ հռետորական է:

Վերջինիս գրառումը ներկայացնում ենք ստորև.
«Լսում եմ ընդդիմության՝ Լաչինի միջանցքի փակման թեմայով ԱԺ-ում կազմակերպած լսումը։

Ելույթ ունեցողների մի մասը ասում է, որ Լաչինի միջանցքը փակվել է, որովհետև Հայաստանը միջանցք է խոստացել և չի տալիս։

Մյուս մասն ասում է, որ պրահյան հանդիպումից հետո այլևս Լաչինի միջանցք չկա, և որ դա Ադրբեջանի ինքնիշխան տարածք է՝ և ուրեմն պիտի փակեին, բա ինչ պիտի անեին։

Մի ընդդիմադիր արքեպիսկոպոս նույնիսկ ակնարկեց, որ Հայաստանն է փակել Լաչինի միջանցքը։

Որպես հետևություն՝ բոլորը միակարծիք էին, որ միջանցքի բացման համար պետք է անհապաղ հեռացնել դավաճան իշխանություններին։

Այս բոլոր տեքստերը, սիրելի բարեկամներ, ուղղված են միայն մեկ նպատակի՝ ամեն կերպ արդարացնել միջանցքի փակումը և նոյեմբերի 9-ի հայտարարության 6-րդ կետը խախտած կողմերին ազատել պատասխանատվությունից։

Իսկ թե ինչու են նրանք սա անում, կռահեք ինքներդ»։