Հոգեմետ դեղեր ու թմրանյութ օգտագործած ոստիկանները չեն ատեստավորվի
Կառավարության այսօրվա նիստի ընթացքում ՆԳ նախարարի տեղակալ Արփինե Սրագսյանը ներկայացրեց ոստիկանության ծառայողների ատեստավորման կարգը։
Նա նշեց, որ ոստիկանների ատեստավորումն իրականացվելու է երեք փուլով․ նախ, կլինի ընդհանուր բաժնի թեստավորում, երկրորդ փուլում կլինի ստուգարք, իսկ երրորդում՝ մասնագիտական հմտությունների ստուգում։
«Ատեստացիան իրականացվելու է թեստավորման մակարդակով՝ էլեկտրոնային տարբերակով»,- ասաց նա։
ՆԳ նախարարի տեղակալը նկատեց՝ կան դեպքեր, երբ ոստիկանները իրավունք չեն ունենա թեստավորվել։ Դրանցից առաջինն այն է, որ ոստիկանը չպետք է հոգեմետ դեղեր կամ թմրամիջոց օգտագործած լինի։
«Եվ երկրորդ, եթե ծառայողն ունի 20 միլիոն դրամի չափով վարկ, ու դրա շրջանակում 91 օր և ավելի ժամկետանց պարտավորություն, ապա իրավունք չի ունենա ատեստացիային մասնակցելու»,- ներկայացրեց Արփինե Սարգսյանը։
Մանրամասները՝ տեսանյութում։