Սյունիքի մարզում գտնվող ՀՀ վարչապետի տիկին Աննա Հակոբյանն այցելել է Կապանի ժամանակակից արվեստի թանգարան: Այնտեղ վարչապետի տիկնոջը դիմավորել են Կապան համայնքի ղեկավար Գևորգ Փարսյանը և «Կապանի թանգարանների միավորում» ՀՈԱԿ-ի տնօրեն Արմեն Գևորգյանը:

Համայնքի ղեկավարն Աննա Հակոբյանին ներկայացրել է թանգարանի ստեղծման պատմությունը, սրահներում ցուցադրված աշխատանքները: 

Աննա Հակոբյանը համայնքի ղեկավարից հետաքրքրվեց նաև Կապանում իրականացվող շինաշխատանքներից: Գևորգ Փարսյանը հայտնեց՝ դրանք ակտիվ փուլում են, այժմ համայնքում կառուցվում է 3 բարձրահարկ շենք: