ԱՀ Առողջապահության նախարարությունը ցավակցական ուղերձ է հղել, որում մասնավորապես ասվում է.

« ԱՀ Առողջապահության նախարարությունը և ողջ համակարգը խորը վշտով ցավակցում է Արցախի Հանրապետության վաստակավոր բժիշկ Յուրի Հովհաննեսի Գրիգորյանի հարազատներին և մերձավորներին՝ նրա մահվան կապակցությամբ:

Յուրի Գրիգորյանը ծնվել է 1938 թվականի սեպտեմբերի 7-ին Մարտակերտի շրջանի գյուղ Կիչանում։

1955-1957թթ․ ավարտել է Ստեփանակերտի բժշկական տեխնիկումը՝ բուժակի մասնագիտությամբ։

1967-1973թթ․ ավարտել է Ի․Պ․ Պավլովի անվան Սամարղանդի պետական բժշկական ինստիտուտը և ստացել վիրաբույժի մասնագիտություն:

1977թ-ին վերադարձել է ք․ Ստեփանակերտ և աշխատանքի ընդունվել մետաքսակոմբինատին կից սանբուժկետում, որպես վիրաբույժ։

1980թ-ին նշանակվել է մարզային առողջապահության բաժնի վարիչի տեղակալ։

1985թ-ից նշանակվել է Ստեփանակերտի բժշկական ուսումնարանի տնօրեն։

1985թ-ից մինչև 1994թ․ աշխատել է Ստեփանակերտի Հանրապետական բժշկական կենտրոնում, որպես վիրաբույժ-վնասվածքաբան։

1994թ․ նշանակվել է ԼՂՀ Հանրապետական բժշկական կենտրոնի վնասվածքաբանական բաժանմունքի վարիչ։

2008թ․ աշխատում էր վնասվածքաբանի պաշտոնում, համատեղելով բժիշկ- վիճակագրի աշխատանքները։

Երկար տարիներ աշխատում էր Ստեփանակերտի տարածքային զինկոմիսարիատում, որպես ավագ բժիշկ։

1998թ․ կառավարության կողմից պարգևատրվել է «Շուշիի ազատագրման համար» մեդալով, գոյամարտի տարիներին վիրավորներին ակտիվ բուժօգնություն ցուցաբերելու համար։

ԼՂՀ նախագահի առ 30․08․2018․ ՆՀ -98-Ա հրամանագրով շնորհվել է Լեռնային Ղարաբաղի Հանրապետության վաստակավոր բժշկի կոչում։

Պարգևատրվել է նաև տարբեր պատվոգրերով և շնորհակալագրերով։

Հասարակության հարգանքը վայելող մարդու, աշխատանքին ամբողջապես նվիրված մասնագետի հիշատակը մշտապես վառ կմնա մեր սրտերում:

Յուրի Գրիգորյանի հուղարկավորությունը տեղի կունենա մարտի 2 -ին, ժամը 12։00-ին ք. Ստեփանակերտ Հեքիմյան 3 վ հասցեում»: