Սենատը 51 ձայնով ընդունել է Կանադայի նկատմամբ Թրամփի մաքսատուրքերը չեղարկելու մասին օրինագիծը
ԱՄՆ Սենատը 51 ձայնով ընդունել է Կանադայի նկատմամբ նախագահ Դոնալդ Թրամփի մաքսատուրքերը չեղարկելու մասին օրինագիծը, գրել է «The Washington Post»-ը։
Նշվում է, որ օրինագծին կողմ քվեարկելու համար չորս հանրապետականներ՝ սենատորներ Միթչ Մաքքոնելը, Սյուզան Քոլինզը, Լիզա Մուրկովսկին և Ռենդ Փոլը հակադարձել են Թրամփին և Սենատի մեծամասնության առաջնորդ Ջոն Թունին՝ դեմոկրատների հետ քվեարկելով փետրվարին Թրամփի հայտարարած ազգային արտակարգ դրությունը դադարեցնելու համար։ Արտակարգ դրությունը թույլ էր տվել Թրամփին 25 տոկոս մաքսատուրքեր սահմանել կանադական ապրանքների վրա։
Եվս 48 սենատոր դեմ է քվեարկել։ Օրենքի ընդունման համար անհրաժեշտ է ձայների մեծամասնություն։ Սենատում կա 100 սենատոր։
Այնուամենայնիվ, Թրամփը խոստացել է վետո դնել օրինագծի վրա, նույնիսկ եթե այն ընդունի Հանրապետականների կողմից վերահսկվող Ներկայացուցիչների պալատը:
