Իսրայելի վարչապետ Բենիամին Նեթանյահուն բանակցությունների ընթացքում կփորձի համոզել ԱՄՆ նախագահ Դոնալդ Թրամփին հավանություն տալ Գազայի հատվածում արմատական պաղեստինյան ՀԱՄԱՍ շարժման դեմ ռազմական գործողությունները շարունակելու ծրագրերին։ Գրել է Axios պորտալը՝ վկայակոչելով իսրայելցի պաշտոնյաների։
Իսրայելցի պաշտոնյաները Axios-ին ասել են, որ Նեթանյահուն սպասում է, թե ինչպես է վերաբերում Թրամփը գործարքի երկրորդ փուլին, որը կհանգեցնի մշտական հրադադարի և Իսրայելի ամբողջական դուրսբերմանը Գազայիցը:
Նեթանյահուն հուսով է, որ կկարողանա ազդել Թրամփի մտածողության վրա և համոզել նրան հաստատել Գազայում պատերազմի իր ծրագրերը։
Պորտալի զրուցակիցներից մեկը կարծիք է հայտնել, որ եթե Նեթանյահուն որոշի չանցնել գործարքի երկրորդ փուլին, դա կարող է հանգեցնել Գազայում ՀԱՄԱՍ-ի տապալման համար պատերազմին, որը կձգձգվի առնվազն ևս մեկ տարի։
Բացի այդ, իսրայելական պաշտոնյաներից Axios-ի աղբյուրները նշել են, որ գործարքի երկրորդ փուլի շուրջ բանակցությունները չեն սկսվի երկուշաբթի օրը, ինչպես նախատեսված է համաձայնագրում, քանի որ Նեթանյահուն որոշել է Դոհա չուղարկել բանակցային թիմ Թրամփի հետ հանդիպումից առաջ։