Ռուսաստանում որոշ բժիշկներ կարծում են, որ Skittles թթու բազմերանգ կոնֆետները քաղցկեղ են առաջացնում, իսկ դեռահաս աղջիկները կարող են ապագայում մնալ անպտուղ։ Պատրաստվում է դիմում Ռոսպոտրեբնադզորին և Ռոսկաչեստվոյին։
Բժշկական համայնքը նախատեսում է Ռուսաստանում վերացնել Skittles-ի վաճառքը։
Ինչպես հայտնի է դարձել SHOT տելեգրամյան ալիքին, մանկական գաստրոէնտերոլոգներն ահազանգում են, որ վառ գույնի կոնֆետներ ծամող երեխաները վաղ տարիքից փչացնում են իրենց առողջությունը։
Skittles-ի մասին առաջին բողոքը E171 ներկն է՝ տիտանի երկօքսիդ: Նյութը կարող է կուտակվել մարմնում և բերել քաղցկեղի առաջացման վտանգ։ Կազմում այլ ներկանյութերի վերաբերյալ նույնպես հարցեր կան։
Բացի այդ, բժիշկներն ասում են, որ պրոպիլպարաբեն էսթերի շնորհիվ անվնաս թվացող կոնֆետները կարող են բացասաբար ազդել պտղաբերության վրա, ինչն արդեն հաստատվել է լաբորատոր մկների մոտ: Առանձնահատուկ վտանգի տակ են դպրոցահասակ աղջիկները:
Գերթթվային քաղցրավենիքները բառացիորեն այրում են կերակրափողի լորձաթաղանթը։ Երեխաները ալերգիկ ռեակցիաների վտանգի տակ են նաև Skittles ուտելուց հետո:
Նախկինում Skittles-ն արգելված էր ԱՄՆ մի քանի նահանգներում՝ քաղցկեղի զարգացման ռիսկի պատճառով: Ռուսաստանում կոնֆետ է արտադրում Mars ընկերությունը, որն արդեն սկանդալների մեջ է հայտնվել։ Առաջիկայում նրանք նախատեսում են Ռուսաստանի Դաշնությունում ապրանքների վաճառքն արգելելու հարցում ուղարկել Սպառողների իրավունքների պաշտպանության և մարդու բարեկեցության վերահսկման դաշնային ծառայություն և Ռուսական որակի համակարգ։