Վթար Երևանում, բախվել են «Nissan» ու «Mercedes», որն էլ հետո՝ լուսակիրի սյանը. Shamshyan

Այսօր՝ ապրիլի 2-ին, ավտովթար է տեղի ունեցել Երևանում: Ժամը 08:05-ի սահմաններում Իսակովի պողոտայում բախվել են Երևանի բնակիչներ 39-ամյա Լյուդվիգ Կ.-ի վարած «Nissan» մակնիշի և 21-ամյա Հարություն Բ.-ի վարած «Mercedes» մակնիշի ավտոմեքենաները:
 
Ինչպես հայտնում է ֆոտոլրագրող Գագիկ Շամշյանը, վթարի հետևանքով օպերատիվորեն դեպքի վայր ժամանած Երևանի 1-03 շտապօգնության բժիշկների հերթապահ խումբը տեղում բուժօգնությւոն է ցուցաբերել «Mercedes»-ի վարորդին, սակայն թե՛ նա, թե՛ «Nissan»-ի վարորդը հրաժարվել են հիվանդանոց մեկնել:
 
Տարածքը սահմանազատել են նույն վաշտի պարեկներ Գոհար Պետրոսյանն ու Արթուր Հակոբյանը: 
Վարորդները ենթարկվել են սթափության փորձաքննության, եղել են սթափ: 
 
Բախման հետևանքով «Mercedes»-ն էլ բախվել է երկաթե սյանը, որի վրա տեղադրված է եղել երթևեկությունը կարգավորող լուսակիրը, որը կոտրվել է: 
 
Գ. Շամշյանի տեղեկություններով՝ վարորդներից մեկը ՀՀ ՊՆ զորամասի սպա է: