ՔՊ-ական պատգամավոր Վահագն Ալեքսանյանն այսօր ԱԺ ամբիոնից անդրադարձավ հոկտեմբերի 27-ի ոճրագործությանը՝ նշելով, որ ասում են, թե մի նախկին դաշնակցական է սպանել ՀՀ գլուխներին։
Նրա խոսքին տեղից արձագանքեց Գեղամ Մանուկյանը, սակայն վերջինիս խոսքը լսելի չէր։
Իսկ ՔՊ-ական Արթուր Հովհաննիսյանը տեղից գոռաց՝ հանգստացի, արա՛։
ԱԺ նախագահ Ալեն Սիմոնյանն էլ սաստեց Հովհաննիսյանին՝ Արթո՛ւր։
Ապա Վահագն Ալեքսանյանը շարունակեց խոսքը, թե դաշնակցականներին միշտ էլ հունից հանում է այն, որ իրենք խոսում են ՀՅԴ-ի մասին։
«Մե՛կ Թալեաթից եք խոսում, մե՛կ 130 տարի առաջվա դեպքերից։ Թալեաթը, նրա թիմը ձեր կոալիցիոն գործընկերն էր, իսկ մենք ձեր կոալիցիոն գործընկերը չենք եղել։ Բայց խոսքս այլ բանի մասին է․ նոյեմբերի իննին, բերանը բորենիների պես բացած դասալիքների մի խումբ, որ փախել էր Արցախից, հարձակվեց ՀՀ կառավարության վրա, պետական շենքեր մտավ, մեր կուսակցության գրասենյակ մտավ, գրպանիցս 800 դրամ գողացավ, մեկ-երկու համակարգիչ տարան՝ հայրենիքի սիրուց դրդված»,- նշեց նա։
Մանրամասները՝ տեսանյութում