Ադրբեջանի նախագահ Իլհամ Ալիևը ԱՄՆ նախագահ Ջո Բայդենին շնորհավորել է Անկախության օրվա առթիվ:
«Բարենպաստ պայմաններ են ձևավորվել Հարավային Կովկասում կայուն խաղաղության հաստատման և տնտեսական առաջընթացի համար: Կարծում ենք, որ Միացյալ Նահանգները կարող է կարևոր դեր խաղալ Հայաստանի ու Ադրբեջանի միջև հարաբերությունների կարգավորման, հաղորդակցությունների բացման, մարդկանց միջև կապերի հաստատման գործում»,- ասել է Ալիևը։
Ադրբեջանի նախագահը նշել է, որ ԱՄՆ-ը կարող է «զգալի ներդրում ունենալ Հայաստանի ու Ադրբեջանի միջև խաղաղության պայմանագրի նախապատրաստման գործընթացում՝ հիմնված Բաքվի առաջարկած հինգ սկզբունքների վրա»։