Սանկտ Պետերբուրգի ջրային ավտոմոբիլային սպորտի ֆեդերացիայի փոխնախագահ Պյոտր Պիլաևը նախօրեին հետիոտնի համար նախատեսված անցման վրա վրաերթի է ենթարկել հեծանվով ընթացող 11-ամյա տղայի։ Այս մասին հայտնում է 78.ru-ն։
Տղան հոսպիտալացվել է աջ ոտքի բաց վերքով, վիճակը գնահատվում է՝ միջին ծանրության։ Հայտնի է, որ վարորդն այս տարի երեք անգամ վարչական պատասխանատվության է ենթարկվել ճանապարհային երթևեկության կանոնների խախտման համար։
Պյոտր Պիլաևը, սակայն, պատմել է, որ ոչ թե ինքն է վրաերթի ենթարկել երեխային, այլ երեխան է մեծ արագությամբ ընդառաջ եկել նրան։ Տղամարդու խոսքով՝ նա զիջել է հետիոտներին ու սկսել շարժվել, երբ հանկարծ հայտնվել է հեծանվորդը։ Վարորդը կանգնել է ու շտապօգնություն կանչել։