Մի շարք երկրներ կտրականապես դեմ են Ուկրաինային ռուսական ակտիվների փոխանցմանը
ԵՄ որոշ երկրներ կտրականապես դեմ են Ուկրաինայի կարիքների համար Արեւմուտքում սառեցված ռուսական ակտիվների օգտագործմանը։ Այս մասին էստոնական ERR հեռուստաընկերությանը տված հարցազրույցում ասել է ԵՄ արտաքին գործերի և անվտանգության քաղաքականության բարձր ներկայացուցիչ Կայա Կալլասը։
«Երբ խոսքը վերաբերում է սառեցված ռուսական ակտիվներին, մենք քննարկումների մեջ ենք 27 մասնակից երկրների հետ: Մենք պատրաստվում ենք, քանի որ կան որոշակի ռիսկեր։ Եվ պետք է ուղիներ գտնենք դրանք նվազագույնի հասցնելու համար: Բացի այդ, որոշ երկրներ կտրականապես դեմ են դրան», - ասաց նա:
Կալլասը չի նշել, թե որ երկրներն են։
