Հռոմի Պապ Ֆրանցիսկոսը կարող է Ռուսաստան ժամանել սեպտեմբերյան ընտրություններից հետո, այցը հնարավոր է 2023 թվականին: Այս մասին ՌԻԱ Նովոստիին հայտնել է համաշխարհային հնադավանների միության նախագահ Լեոնիդ Սեւաստյանովը:
Փետրվարին Սեւաստյանովին եւ նրա կնոջը՝ օպերային երգչուհի Սվետլանա Կասյանին ուղղված նամակում Ֆրանցիսկոս Պապը «խելագարություն» էր անվանել ԶԼՄ-ներում քննարկվող՝ Դոնբասում իրավիճակի պատճառով Արեւմուտքի երկրների եւ Ռուսաստանի միջեւ հնարավոր պատերազմը եւ հայտարարել, որ աղոթում է խաղաղության համար: Պոնտիֆիկոսն ավելի վաղ Կասյանին դասել էր Սուրբ Սիլվեստրի Կանանց կոչմանը՝ եկեղեցուն եւ կաթոլիկությանը մատուցած ծառայությունների համար:
«Պապը չի բանակցում այն մասին, թե երբ նա պետք է այցելի Ռուսաստան, դա առաջին հերթին ներքին քաղաքականության հարց է։ Նա ցանկանում է այցելել Ռուսաստան, նպաստել բանակցային գործընթացին, նա միշտ ցույց է տալիս և ընդգծում է իր չեզոքությունը։ Չնայած տարբեր շրջանակներ փորձում են ցույց տալ, որ նա քաղաքականացված է, դա բոլորովին այդպես չէ։ Մենք ընդունում ենք, որ անհրաժեշտ է ուղղակի մասնակցել, մենք Սվետլանայի հետ զբաղվում ենք այդ ուղեւորության կազմակերպմամբ։ Այցը կլինի այդ ժամանակահատվածում, ամենայն հավանականությամբ, 2023 թվականի ընթացքում», - ասել է Սեւաստյանովը։