Նիկոլ Փաշինյանն այսօր ԱԺ ամբիոնից կրկին անդրադարձավ հայրենասիրության մոդելին՝ տեղադրվող արձանների համատեքստում։ Նա նկատեց՝ Հայաստանում տեղադրվող որոշ արձանների մասով Հայաստանը արձագանքներ է ստանում, և ոչ միայն Արևմուտքից։
«Ես նոր խոսում էի մեր ռազմավարության մոդելի մասին։ Դուք ասում եք՝ ուշացած էր «Նեմեսիս» գործողությանը նվիրված արձանի տեղադրումը։ Հիմա ես հարց եմ տալիս՝ եթե նման արձան ՀՀ-ում չլիներ, ասենք դրանից ի՞նչը կտուժեր»,- հարց հնչեցրեց նա։
Նիկոլ Փաշինյանը նշեց, որ այդ արձանի հարցը քննարկվել է բավականին երկար, ու իրենք մտածել են, որ եթե այն չկանգնեցվի, բոլորը կասենք, թե դավաճան են։
«Եվ մենք՝ բոլորս, առաջնորդվել ենք մի տրամաբանությամբ՝ էնպես անել, որ մեզ չասեն դավաճան եք։ Բայց մենք երբեմն մեր ազգային ու պետական շահը դավաճանում ենք, որ մեզ չասեն դավաճան։ Կարևորը, որ ալիբի ունենանք, թե դավաճանություն չենք արել։ Այո՛, կա պրոբլեմ, բայց դա մեր պրոբլեմն է։ Նրանք, ովքեր մեր ճանապարհը փակում են, ոչ մի պրոբլեմ չունեն»,- անկեղծացավ Փաշինյանը։
Մանրամասները՝ տեսանյութում։