Մոսկվայում բժիշկները բարեհաջող վիրահատել են երեքամյա աղջնակին և նրա որովայնից դուրս բերել երեք տասնյակ մագիսական գնդիկ, որոնք երեխան կուլ էր տվել երկու ամիս առաջ։
Մոսկվայի Առողջապահության վարչության Գ.Ն. Սպերանսկիի անվան թիվ 9 մանկական հիվանդանոցի թելեգրամյան ալիքում հրապարակված տեղեկության համաձայն՝ փոքրիկը հիվանդանոց է տեղափոխվել որովայնի ցավի, ախորժակի կորստի, թուլության ու փսխման նոպաների գանգատներով։ Երեխայի ինքնազգացողությունը կտրուկ վատթարանում էր, ուստի մասնագետներն անմիջապես նրան տեղափոխել են վերականդանացման ու ինտենսիվ թերապիայի բաժանմունք։ Հետազոտության ընթացքում պարզվել է, որ երեխայի աղեստամոքսային համակարգում երեք տասնյակ մագնիսական գնդիկ կա։
Հաղորդվում է, որ տևական ժամանակ աղեստամոքսային տրակտում մագնիսական գնդիկների առկայության հետևանքով միջաղիքային խուղակներ են առաջացել, որոնք էլ վերածվել են անցքերի։ Այս ամենի հետևանքով երեխայի մոտ զարգացել է որովայնամզի սուր բորբոքում՝ պերիտոնիտ։
Երեխային անհապաղ վիրահատել են ու հեռացրել 30 մագնիսական գնդիկ։ Այժմ փոքրիկի կյանքին ու առողջությանը ոչինչ չի սպառնում։