Մերձմոսկովյան Վիդնոյե քաղաքում բժիշկները 81-ամյա թոշակառուի ականջից հանել են մի առարկա, որը նա կորցրել է 5 տարեկանում։ Այս մասին գրել է SHOT-ը։

Ըստ հրապարակման՝ քիթ-կոկորդ-ականջաբանի մոտ կանխարգելիչ հետազոտության ժամանակ ռուս կինը բողոքել է լսողության վատացումից։ Հիվանդի աջ ականջը լվանալուց հետո բժիշկը ներսում ուլունք է հայտնաբերել։

Ինչպես պատմել է թոշակառուն, մանկության տարիներին իր վզնոցը պոկվել է, որի ուլունքներից մեկը չի հաջողվել գտնել։ Այսպիսով, զարդերից մեկն ականջի մեջ է մնացել 76 տարի։ Այժմ ռուս կինը լսողության խնդիր չունի, եւ նա որոշել է հայտնաբերված առարկան պահել որպես հուշանվեր։