Ոստիկանությունը ուժի կիրառմամբ բացել է «Հյուսիս-հարավ» ճանապարհը, կան բերման ենթարկվածներ։ Այս պահին հսկայական խցանում է, շարժը գրեթե կանգնած է, գրում է «Հրապարակը»։
Ավելի վաղ գրել էինք, որ ոստիկանությունը փորձում է ՊՆ նախկին մասնաշենքից հեռացնել Արցախից եկած մեր հայրենակիցներից, ովքեր և փակել էին ճանապարհը։ Խոսքը ՊՆ նախկին մասնաշենքում բնակություն հաստատած արցախցիների մասին է։
«Ոստիկանությունը տեղյակ է եղել, որ մենք այստեղ ենք բնակվում, չի աջակցել մեզ, հիմա էլ եկել ահաբեկում են, թե պետք դուրս գանք, բայց մենք գնալու տեղ չունենք։
Մենք մեկ ամսից ավել այստեղ ենք բնակվում, տուն չունենք, լույսն ենք միացրել, անգամ հեց-ին ենք դիմել, որ գան լույսին հաշվիչ դնեն, չեն եկել, հիմա եկել երեխեքի վրա լույս են կտրում»-ասաց ակցիայի մասնակիցներից մեկը։
Իր հերթին Գագիկ Շամշյանը հայտնել է․ որ արդեն մեկ ժամից ավելի է, Երևան-Գյումրի ավտոճանապարհի՝ նախկին Պաշտպանության նախարարության շենքի դիմաց հավաքվել են 3000-ից ավելի քաղաքացիներ, ովքեր փակել են ճանապարհը և պահանջում են, որպեսզի վերջապես պատասխան տրվի, թե ինչի համար է Եղվարդի էլեկտրոցանցը ՊՆ նախկին շենքի էլեկտրամատակարարումը դադարեցրել։