Իսրայելի և Լիբանանի միջև հրադադարն ուժի մեջ է մտել։

Հրադադարը սկսել է գործել Երևանի ժամանակով ժամը 6:00-ին։

Գիշեր Իսրայելի ռազմաքաղաքական ղեկավարությունը բացարձակ մեծամասնությամբ հաստատել է Լիբանանի հետ հրադադարի համաձայնագիրը, հայտնել են ԶԼՄ-ները։

Համաձայն Միացյալ Նահանգների առաջարկած կարգավորման ծրագրի՝ լիբանանյան բանակը պետք է առաջիկա 60 օրվա ընթացքում զբաղեցնի երկրի հարավային տարածքները, իսկ «Հըզբոլլահ»-ի ուժերն ու ենթակառուցվածքները պետք է դուրս բերվեն Լիտանի գետից դեպի հյուսիս։ Այս ընթացքում Իսրայելը պետք է ամբողջությամբ դուրս բերի իր զորքերը հարեւան երկրի տարածքից։