Անկարայում հանդիպել են Թուրքիայի արտաքին գործերի նախարար Հաքան Ֆիդանն ու Գերմանիայի նրա գործընկերուհի Անալենա Բերբոքը։ 

Քննարկվել է իրավիճակը Սիրիայում, Գազայի հատվածում և Ուկրաինայում, անդրադարձ է եղել նաև Հարավային Կովկասին, հայտնել է Թուրքիայի ԱԳՆ-ն։

Ֆիդանն ասել է, որ Հայաստանի ու Ադրբեջանի միջև խաղաղության համաձայնագրի ստորագրման պատմական հնարավորություն է ստեղծվել, և որ երրորդ կողմերը պետք է «արդար և անաչառ» աջակցություն ցուցաբերեն գործընթացին: