Ուրուգվայցի ֆուտբոլիստները խաղից (0-1) անմիջապես հետո կռվի են բռնվել Կոլումբիայի երկրպագուների հետ։
Ուրուգվայի հավաքականն Ամերիկայի գավաթի կիսաեզրափակիչում 0-1 պարտվեց Կոլումբիային, որն էլ մրցաշարի եզրափակիչում ուժերը կչափի Արգենտինայի հետ։
Ուշադրության կենտրոնում է եղել հատկապես «Լիվերպուլի» հարձակվող Դարվին Նունյեսը։
Բարեբախտաբար որևէ մեկը չի տուժել։
Այնուհետեւ Ուրուգվայի հավաքականի պաշտպան Խոսե Խիմենեսն ասել է, թե ինչու են ազգային հավաքականի ֆուտբոլիստները բախվել երկրպագուների հետ։
«Կոլումբիայի որոշակի հատվածի երկրպագուները սպառնալիք են ստեղծել մեր բոլորի ընտանիքների համար ու թույլ չեն տվել խոսել խոսափողով։ Սա աղետ է, մեր ընտանիքները վտանգի տակ էին։ Մենք պետք է գնայինք տրիբունաներ՝ փոքրիկ նորածին երեխաների հետ վերցնելու մեր սիրելիներին։ Մի ոստիկան չկար, կես ժամ հետո գնացին, մենք էլ պաշտպանում էինք մերոնց», - նշել է ֆուտբոլիստը։
«Ամեն խաղում մեր ընտանիքները տուժում են երկու-երեքի մեղքով, ովքեր, խմել չիմանալով, խմում են, ովքեր անպարկեշտ են պահում»,- հավելել է նա։
Լուսանկարներն ու տեսանյութերն այստեղ