Թուրքիայում տեղի ունեցած երկրաշարժից զոհերի թիվը հասել է 19875-ի։ Հաղորդում է երկրի արտակարգ իրավիճակների վարչությունը, փոխանցում է ՏԱՍՍ-ը։ Ավերիչ երկրաշարժից, այս պահի դրությամբ, տուժել է 79717-ը։ 

Սիրիայում երկրաշարժի զոհերի թիվը հասել է 1387-ի: Նման տվյալներ ուրբաթ օրը հայտնել է Սիրիայի առողջապահության նախարարությունը ֆեյսբուքյան իր էջում։ Գերատեսչության տվյալներով՝ այս պահին զոհերի թիվը կազմում է 2326 մարդ։

Թուրքիայի հարավ-արևելքում գտնվող Քահրամանմարաշ նահանգում փետրվարի 6-ին 7,7 մագնիտուդ ուժգնությամբ երկրաշարժ է տեղի ունեցել։ Ստորգետնյա ցնցումները, որին հաջորդել են հարյուրավոր հետցնցումներ, զգացվել են երկրի 10 նահանգներում, ինչպես նաև հարևան նահանգներում, այդ թվում՝ Սիրիայում։ Վերջին տվյալներով՝ Թուրքիայում մահացել է ավելի քան 19 հազար մարդ, վիրավորվել՝ ավելի քան 79 հազարը։