Լագոսի իշխանությունները սկսել են այս շաբաթ առգրավված ավելի քան 2 հազար մոտոցիկլետների ոչնչացման գործընթացը՝ նպատակ ունենալով արգելել մոտոտաքսիների գործունեությունը, որոնք հայտնի են որպես «օքադա», հայտնում է BBC-ը:
Արգելքը ի հայտ է եկել, ենթադրաբար մոտոցիկլավար տաքսու վարորդներից կազմված ամբոխի կողմից, 38-ամյա ձայնային ինժեներ Սանդեն Դեյվիդի սպանությունից հետո, որը տեղի է ունեցել անցյալ ամիս Լեկկի շրջանում:
Լագոսի կառավարության՝ 2020 թվականի հունվարի որոշմամբ, մոտոցիկլետներին արգելվում էր մուտք գործել երկրի 15 շրջան, սակայն այդ որոշումը դադարել է գործել: Ոմանք թերահավատորեն են մոտենում «օքադաների» գործունեությունն արգելող որոշման գործելուն, քանի որ մոտոցիկլետները գործում են այնպիսի տարածքներում, որտեղ հասարակական տրանսպորտը չի աշխատում:
Բացի այդ, գործազրկության բարձր ցուցանիշ ունեցող քաղաքում, դրանք աշխատանքի աղբյուր են բազմաթիվ երիտասարդների համար: