Նիդերլանդների ֆերմերները տանկ են բերել հանրահավաքի` ընդդեմ ազոտի արտանետումները սահմանափակելու խիստ միջոցների ներդրման: Ֆերմերների կողմից նման արձագանք հրահրել է Նիդեռլանդների բնապահպանական քաղաքականությունը, որն ուղղված է մթնոլորտն աղտոտող նյութերի արտանետումների կրճատմանը: Գյուղատնտեսության ոլորտի աշխատողների կարծիքով՝ դա կարող է հանգեցնել երկրում մեծ թվով տնտեսությունների սնանկացման ու անասնագլխաքանակի զգալի կրճատման։
Ավելի վաղ լրատվամիջոցները հայտնել էին, որ ֆերմերները փակել են խոշոր սուպերմարկետների տասնյակ բաշխիչ կենտրոններ, ինչպես նաև տրակտորներով փակել են մի քանի մայրուղիներ։ Նման գործողությունների հետևանքով սննդամթերքի պակաս է առաջացել: Մթերային ցանցերը տասնյակ միլիոնավոր եվրոյի վնասներ են կրել բաշխիչ կենտրոնների շրջափակման պատճառով, հարյուրավոր ֆերմերներ տուգանվել են ոստիկանության կողմից։