Ոսկեպար-Բաղանիս հատվածից ադրբեջանցիներն արդեն երևում են (լուսանկար)
Ոսկեպար-Բաղանիս հատվածից ադրբեջանցիներն արդեն երևում են: Այս մասին հայտնում է MediaHub-ի լրագրողը, որն այս պահին ուղևորվում է դեպի Բաղանիս:
Մեր նկարահանող խումբը շրջանցիկ ճանապարհով է անցել, քանի որ Ոսկեպար տանող մի հատվածը, որն այն ժամանակ ուղղակի դիտարկվող էր համարվում, հիմա ոստիկանների կողմից փակ է, այդ տարածքով արգելում են առաջանալ: Այդ հատվածից հեռադիտակներով նայող բնակիչները հայտարարում են, որ ադրբեջանցիների տեղաշարժը լրիվ տեսանելի է.
Այս պահին գերլարված վիճակ է Բաղանիսում:
Նշենք, որ ՆԳՆ-ից ավելի վաղ հայտնել էին, որ Բաղանիս-Ոսկեպար ավտոճանապարհը փակվել է հարակից տարածքում իրականացվող ականազերծման աշխատանքներն ապահովելու և քաղաքացիների մուտքը մոտակա ականապատ տարածքներ թույլ չտալու համար` վերջիններիս անվտանգությունն ապահովելու նկատառումով:
Բաղանիս-Ոսկեպար հատվածում այսօր նախատեսվում է սահմանազատման հետ կապված աշխատանքների իրականացում:
MediaHub-ը տեղից աշխատում է, հետևեք մեզ:
Նարե Գնունի
