Մի քանի օր առաջ MediaHub-ին պատմել էին, թե Արմավիրի մարզում գազալցակայաններից մեկում ծեծկռտուք է տեղի ունեցել լցակայանի աշխատակիցների և գազի տեսուչների միջև: Ըստ աղբյուրի, խոսքն այն լցակայանի մասին է, որը ժամանակին պատկանել է ԱԺ նախկին պատգամավոր Հակոբ Հակոբյանին (Ճոյտին), իսկ հիմա՝ ԱԺ նախկին պատգամավորը Նահապետ Գևորգյանին՝ Նովոյին:

MediaHub-ը դեպքի առնչությամբ դիմել էր և՛ «Գազպրոմին», և՛ ՊԵԿ-ին, և՛ ՔԿ-ին: 

Նահապետ Գևորգյանին պատկանող գազալցակայանների պատասխանատու Նորայր Սահակյանը MediaHub-ի հետ զրույցում պնդեց՝ նշված լցակայանը կապ չունի Նահապետ Գևորգյանի հետ:

«Հրապարակման մեջ նշված լցակայանը, որտեղ, ենթադրաբար, տեղի  է ունեցել միջադեպը, նախկին պատգամավորին չի պատկանում»,- նշեց նա:

Նորայր Սահակյանը նաև ասաց, որ այն գազալցակայաններում, որոնք իրականում պատկանում են Նահապետ Գևորգյանին, ինչպես «Գազպրոմի», այնպես էլ ՊԵԿ աշխատակիցների հետ միջադեպեր չեն եղել, չնայած որ այնտեղ ևս ստուգումներ եղել են, որոնք կրել են պարբերական բնույթ։