ՄԱԿ-ի գլխավոր քարտուղար Անտոնիու Գուտերեշը կոչ է անում Ադրբեջանին և Հայաստանին անհապաղ քայլեր ձեռնարկել սահմանին հակամարտության ապաէսկալացման ուղղությամբ: Այս մասին ճեպազրույցի ժամանակ հայտարարել է գլխավոր քարտուղարի ներկայացուցիչ Ստեֆան Դյուժարիկը: Այս մասին փոխանցում է ՏԱՍՍ-ը։
«Գլխավոր քարտուղարը խորապես մտահոգված է Հայաստանի և Ադրբեջանի սահմանին մարտերի վերսկսման մասին հաղորդագրություններով։ Նա կողմերին կոչ է անում անհապաղ քայլեր ձեռնարկել լարվածությունը թուլացնելու ուղղությամբ, ցուցաբերել առավելագույն զսպվածություն և բոլոր հարցերը լուծել առկա ձևաչափերի երկխոսության միջոցով: Նա նաև կոչ է անում կողմերին հավատարիմ մնալ նախկինում կնքված պայմանավորվածություններին։ Գլխավոր քարտուղարն իր աջակցությունն է հայտնում տարածաշրջանում միջնորդական ջանքերին»,- ասել է նա: