Դեն Քվանի և Դանիել Շեյներթի «Ամեն ինչ , ամենուր և միանգամից» (2021) ֆիլմն «Օսկարի» է արժանացել լավագույն ֆիլմ անվանակարգում։ Այս մասին հայտարարությունը հնչել է կիրակի օրը «Օսկարի» 95-րդ մրցանակաբաշխության ժամանակ, որը հեռարձակվել է ABC հեռուստաալիքով:
Ֆիլմը պատմում է զուգահեռ տիեզերքերում կնոջ՝ չարիքի հետ պայքարի մասին։ Ֆիլմը միավորում է կատակերգության, գիտաֆանտաստիկայի, էքշնի, ֆանտաստիկայի և մուլտֆիլմի տարրեր: Կինոքննադատները հաղթանակ են կանխատեսել հենց այս ֆիլմի համար հիմնական անվանակարգում, որն այս տարվա առաջատարն է դարձել Օսկարի անվանակարգերի թվով։ «Ամեն ինչ, ամենուր և միանգամից» ֆիլմը ներկայացվել է ընդհանուր առմամբ 11 անվանակարգերում, որոնցից 7-ում արժանացել է արձանիկի։
Ֆիմի թրեյլերն՝ այստեղ