Նոր Մոսկվայի բնակիչը տոնավաճառից ելակ է գնել ու դրա մեջ հայտնաբերել թունավոր սարդ, որի խայթոցը վտանգավոր է մարդկանց համար։ Այս մասին հայտնում է NTV Telegram ալիքը։
Տարեց մոսկվացին հատապտուղներ գնելուց մի քանի ժամ անց նկատել է սարդին, երբ նա տեսակավորում ու լվանում էր դրանք։ Նա հասկացել է, որ այն սովորական սարդերի նման չէ և կարող է թունավոր լինել: Կինը սարդին տեղափոխել է առանձին տարայի մեջ, որտեղ այն շուտով ձվադրել է։ Դրանից հետո նա փրկարարներ է կանչել։
Սև այրին սարդի տեսակ է, որը հանդիպում է Հյուսիսային և Հարավային Ամերիկաներում։ Էգերի մարմնի երկարությունը 8-10 միլիմետր է։ Սև այրու խայթոցները վտանգավոր են. դրանք առաջացնում են ցավոտ վիճակ, որը հայտնի է որպես լատրոդեկտիզմ: Խայթոցից մեկ ժամ անց α-լատրոտոքսին կոչվող նեյրոտոքսինը տարածվում է տուժածի ավշային համակարգով՝ առաջացնելով որովայնի մկանների ցավոտ ջղաձգումներ։ Հնարավոր են փսխումներ, առատ քրտնարտադրություն և ծարավ։ Այնուամենայնիվ, սարդի խայթոցից զոհեր գրեթե չկան, որպես կանոն, լիովին ապաքինվում են: