Ուկրաինան Համաշխարհային բանկից ստացել է 1,7 միլիարդ դոլարի ֆինանսական օգնություն: Այս մասին հուլիսի 13-ին հայտարարել է ֆինանսական հաստատության նախագահ Դեյվիդ Մալպասը։
«Այն, ինչ Համաշխարհային բանկը կարող է անել և անում է, դա շատ մեծ և ժամանակին աջակցություն է ցուցաբերում Ուկրաինայի ժողովրդին։ Երեկ մենք շարունակեցինք դա անել՝ 1,7 միլիարդ դոլարի հատկացումով, որը ստացվել է ԱՄՆ-ի տրամադրած միջոցներից։ Սա հավելում է հունիսի վերջին տրամադրված և նաև ԱՄՆ-ի կողմից հատկացված 1,3 միլիարդ դոլարին»,- Մալպասի խոսքերն է մեջբերում ՏԱՍՍ-ը։
Հուլիսի 13-ին Ուկրաինայի նախագահ Վլադիմիր Զելենսկիի խորհրդական Օլեգ Ուստենկոն հայտարարել է, որ Ուկրաինային ամսական 9 միլիարդ դոլար է անհրաժեշտ բյուջեի դեֆիցիտը ծածկելու համար։ Նրա խոսքով՝ առանց արտաքին աջակցության երկրին տնտեսական աղետ է սպասվում։