ՌԴ-ում ՀՀ դեսպան Վաղարշակ Հարությունյանը հանդիպել է Եկատերինբուրգի քաղաքապետ Ալեքսեյ Օրլովի հետ։

Հարությունյանը վստահություն է հայտնել, որ Երևանի քաղաքապետարանի և Եկատերինբուրգի վարչակազմի միջև համագործակցություն հաստատելու մասին 2023-ին ստորագրված հուշագիրը էական ներդրում կունենա զարգացման գործում։ 

Օռլովը անդրադարձել է Եկատերինբուրգի վարչակազմի պատվիրակության և տարածաշրջանի գրեթե երկու տասնյակ առաջատար ձեռնարկությունների ղեկավարների վերջերս Երևան կատարած այցին և վստահություն հայտնել, որ այցը կնպաստի Ուրալի մարզի և Հայաստանի միջև գործարար հարաբերությունների զարգացմանը: