Հունիսի 3-ին խոշոր ավտովթար է տեղի ունեցել Երևանում։ Ժամը 22։20-ի սահմանում Երևան-Սևան ավտոճանապարհի 8 հասցեի դիմաց բախվել են Երևանի բնակիչները՝ 30-ամյա Վահե Բ.-ի վարած Range Rover մակնիշի, 40-ամյա Արթուր Մ.-ի վարած Nissan մակնիշի, Տավուշի մարզի բնակիչը՝ 45-ամյա Եկատերինա Վ.-ի վարած Nissan մակնիշի և Երևանի բնակիչը՝ 67-ամյա Մարտին Մ.-ի վարած Renault մակնիշի ավտոմեքենաները, գրում է shamshyan.com-ը:

Ըստ աղբյուրի՝ վթարի հետևանքով Renault-ի վարորդը բուժօգնության է տեղափոխվել «Արմենիա» բժշկական կենտրոն, իսկ Nissan-ի վարորդ Եկատերինա Վ.-ն՝ «Նաիրի» բժշկական կենտրոն։ 

Դեպքի փաստով նյութեր են նախապատրաստվում։ Ըստ նախնական տեղեկության՝ Nissan-ներից մեկը դեպի Երևան ընթանալիս բախվել է Range Rover-ին, ապա դուրս եկել հանդիպակաց երթևեկելի գոտի, անցել բաժանարար գոտու վրայով, բախվել ծառին և հայտնվել հանդիպակաց երթևեկելի գոտում՝ բախվելով մյուս ավտոմեքենաներին։