Եթե Յոթնյակի խումբը (G7) պատժամիջոցներ կիրառի ռուսական նավթարդյունաբերության դեմ, դա ռիսկեր կստեղծի միջազգային էներգետիկ շուկաների կայունության համար։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
Նման սահմանափակումները, ըստ Պեսկովի, անխուսափելիորեն վնաս կհասցնեն նրանց, ովքեր նախաձեռնել են դրանք, գրել է ՏԱՍՍ-ը։
Ավելի վաղ հաղորդվել էր, որ G7-ում քննարկվում է ռուսական նավթի գնի առաստաղի հնարավոր խստացումը։ 2022 թվականի վերջին այն սահմանվել էր մեկ բարելի դիմաց 60 դոլար։ Այժմ քննարկվում է մեկ բարելի դիմաց 40 դոլարի իջեցման կամ նույնիսկ Ռուսաստանի Դաշնությունից նավթի ամբողջական արգելքի տարբերակը։
Իր հերթին, Ռուսաստանը դեկտեմբերի 13-ին երկարաձգել է նավթի և նավթամթերքի գնային առաստաղով վաճառքի արգելքը մինչև 2025 թվականի հունիսի 30-ը։