Ի՞նչ է տեղի ունենում օրգանիզմում, երբ ձմերուկ ենք ուտում

Ձմերուկի օգտագործումն ամրացնում է դիմադրողականությունը, կայունացնում է տեսողությունը։ 

Մաքրում է օրգանիզմը

Ձմերուկը մեծ քանակությամբ ջուր է պարունակում, ինչը թույլ է տալիս օգտագործել այս պտուղն իբրև միզամուղ և լեղամուղ միջոց։ Ձմերուկի հյութը լյարդն ու երիկամները մաքրում է ավելորդ թունանյութերից։ Բացի այդ, ձմերուկը պարունակում է սննդային մանրաթելեր, որոնք նպաստում են խոլեստերինի նվազեցմանը։

Նյութափոխանակություն և մաշկի գեղեցկություն

Ձմերուկի պտղամիսը պարունակում է վիտամին A, В խմբի վիտամիններ (В1, В2, В6, В9 և РР), վիտամին С, վիտամին Е, մագնիում, կալիում, կալցիում, ֆոսֆոր, երկաթ, նատրիում։

Դանդաղեցնում է ծերացումը

Ձմերուկի մեջ առկա մեծ քանակությամբ հակաօքսիդանտները կանխում են ծերացման գործընթացը, պաշտպանում են օրգանիզմը տարիքային փոփոխություններից, պայքարում են ազատ ռադիկալների դեմ, օգնում դիմադրել ուռուցքային հիվանդությունների զարգացմանը։

Օգտակար է սրտի համար

Ձմերուկը հարուստ է մագնիումով (100 գրամում՝ օրական անհրաժեշտ մագնիումի մոտ 60%-ը), որն ապահովում է այլ օգտակար նյութերի՝ կալցիումի, նատրիումի, կալիումի նորմալ ներծծումը։ Դա օգտակար է ներքին օրգանների, մասնավորապես՝ սրտանոթային համակարգի համար։ Նույն այդ մագնիումը, ձմերուկի մեջ առկա բազմազան հակաօքսիդանտների հետ միասին, ապահովում են դրա հակասթրեսային ազդեցությունը, իսկ հենց ձմերուկի ամառային համը նպաստում է օրգանիզմում ուրախության հորմոնների արտադրությանը։